الشاعر بدر بن عبدالله السبيعي

السلام عليكم ورحمة الله وبركاته


هذه بعض قصائد الشاعر المفاجأه بدر السبيعي

الذي ابهر الجميع في مسابقة شاعر المليون



يبحل العاقل بعرفه مـع النـاس الغشـم *** بالسـلام يـرد لا خاطبـوه الجهـلـي
فالتجارب عبرة لمـن يشـوف ويفتهـم *** والعقول ووزنهـا فـي يديـن المعتلـي
من عسف نفسه على طاعـة الله استقـم *** ومن تبع نفسه تزجه من اعلـى لسفلـي
كان تبغى الخير للفرض يابـن آدم اقـم *** بخشـوع الخاضـع الزاهـد المتذلـلـي
وعن طريقٍ حرمه خالقك شـم واحتشـم *** مرقب العليا عسيرٍ علـى مـن يكسلـي
وتكل احجاجك على اللي بحبله نعتصـم *** ماربـح منهـو لغيـر المدبـر يسألـي
ولا تعجب لو زمانك على كبـدك وسـم *** دبرت اللي يدبـرك والزمـن متحولـي
ولا ترجى راعي المال لو عرشت عظـم *** الاجل محتـوم والـرزق كافلـه الولـي
الله الرزاق وان جتـك فرصـه فاغتنـم *** السماء لو اسبلت بالذهـب مـا تسبلـي
وميز اللي يحقرك والـذي لـك يحتـرم *** وعامل اللي يعاملك بالـذي لـك يعملـي
فلو تساوي مثل نار الغضى نـار الفحـم *** كنـك اللـي فالطلـي بالبعيـر مبدلـي
ولو تقدم للعرب من لحـم جوفـك لحـم *** ما تحصل في كثيـر العـرب متجملـي
صنعة المعروف فاللاش ناتجهـا النـدم *** مالها في ضرب الامثال يالطيـب حلـي
غير من ضيع نهاره يحاكي لـه اصـم *** هل على هذا مشاريـه يالرجـل الشلـي
عز نفسك عن طواريـق مهفيـن الذمـم *** لا ضلال بشجرة الحنضلـه او مأكلـي
رافق اللي لو يوقف زمانك لـك خصـم *** كرس جهوده وهمـك بقلبـه يصطلـي
والرجل يكضم بصدره على جرح ابن عم *** مايخلـي بينهـم للمـعـادي مدخـلـي
ولا تفيض حدود فيض المحاجر من عدم *** مايفيـض الحاجـر الا وحـده ممتلـي






يا عبدربه فوقـك اللـي يحاسبـك *** انصحك لو مانـي عليـك متولـي
لاصرت تسمع داعـي الله يندبـك *** قدمك وملهيـك الغنـاء والتسلـي
ومن راح للمسجد طريقه يمر بـك *** على الرصيـف بجلستـك ماتملـي
استح على وجهك ودمك وشاربـك *** قم صل عمر الادمـي مضمحلـي
ولا اترك الشارع عط الناس غاربك *** اذلـف لعـلـك للهدى يالمـولـي
خـل العبـاد عيونهـا ماتراقبـك *** لا صرت لا نايم ولا انته مصلـي
حتيـش لـو متوفـراتٍ مطالبـك ** مصيرك الـدار الضـلام المذلـي
لاحولوا بك فـي مقـرك قرايبـك *** واللبـن خلـو وقفتـه تستقـلـي
اطيب ربوعك بكثرالرمـل يتربـك *** لوكان عينـه مـن فراقـك تهلـي
ولا ركزت من فوق قبرك نصايبك *** جولك معازيبـك بهـاك المحلـي
ياضيف وش ظنك طعامك ومشربك *** ومثواك يوم البعث ياضيـف قلـي
خاصم ضميرك قبل تكشف حقايبك *** واحسب مواثيمـك بسنتـي وملـي
الرب خلا فيـك عقـلٍ يخاطبـك *** ويبين الـدرب النقـي والمضلـي
وبالعافيه والحس والسمـع واهبـك *** وبالشـوف وفـوادٍ يعقـد ويحلـي
وقف تفكر والدلايـل تحيـط بـك *** غرايـبٍ عـن قـدرة الله تـدلـي
عان السما محبوكـةٍ فالبنـا حبـك *** اللـي بنـور نجومهـا نستـدلـي
والشمس تكشف كل شـيٍ بجانبـك *** والبدر في سـود الليـال متجلـي
والارض هي اخر مراسي مراكبك *** تعلاك وانت اليـوم فـوق متعلـي
ان طعتني غير مناحي ركايبك *** واتبع طريقٍ صاحبه ما يذلي






وانفس ياللي ماتبي من حدٍ شـي *** ولا تبي بـذر الجمـالات فيهـا
لو كان ماتملك جنيهات وحلـي *** مقتنعـةٍ باللـي تطولـه يديهـا
تسعى لعفو الواحد الباقي الحـي *** تصبح على الطاعة وتمسي عليها
ماعاشقت دنيـاٍ مسراتهـا زي *** وسميةٍ صلـف الهـوا مقتفيهـا
لعل ينجيهـا مـن النـار للفـي *** اللي رجاهـا بـه ولا يرتجيهـا